Одбојкарките на шампионот Работнички Скопје со голема победа нагости во Струмица се враќаат во Скопје.
Работнички славеше победа против Струмица жени со 3-0 во првиот меч од финалната серија во првата женска лига и поведе со 1-0 во победи.
Првиот сет се реши во тајбрејкот, а посреќни во воведниот сет беа бранителките на трофејот Работнички кои го добија со 24-26.
Домаќинките имаа голема можност да го добијат првиот сет имаа и три сет топки, но сепак немаа среќа и го загубија.
И во вториот се играше израмнето. Во финишот повеќе концентрација и нерви повторно имаа гостинките. Направија помал број на грешки, па и тој сет го решија во своја полза со 23-25.
Во отсуство на капитенката Елена Пандева која е повредена, струмичанки немаа вистински лидер кој ќе ја врати екипата, како што тоа беше случај во полуфиналето на купот.
Па така одбојкарките на Работнички Скопје во третиот сет се одлепија резултатски и предноста не ја испуштија до крајот на истиот.
На крајот Работнички го доби и тој сет овојпат убедливо со 17-25 и со конечни 0:3 го доби мечот за водство од 1:0 во финалната серија.
Финалната серија се игра во три добиени натпревари, а следниот на програмата е во среда во Скопје.
За Струмица ова беше само втор пораз во сезоната, а прв на домашен терен. И двата порази на Струмица жени се токму од шампионот Работнички.