Во третиот натпревар од големото финале од првата одбојкарска лига на Словенија, во салата Тиволи во Љубљана, домашниот состав по голема борба во пет сета славеше победа и ја одбрани шампионската титула во првата машка лига на Словенија.
Актуелните словенечки шампиони беа подобри во пет сета од Калцит волеј и со 3-2 во сетови (30-28, 24-26, 25-20, 22-25, 15-12) заслужено се радуваа на јубилејната, дваесетта титула во Словенија.
Пред повеќе од 1000 гледачи во салата Тиволи домашниот тим на Љубљана по голема борба го доби првиот сет со 30-28 со асот на Покершник.
Во вториот сет до средината на сетот гостите од Камник го диктираа ритамот на игра и со успешните напади на Окроглич и Дулчев водеа со три поени разлика (7:10).
Змејовите преку вториот сет успеаја да бидат во чекор со одбојкарите на Камник и исто како и во првиот имаше тензичен финиш кој го добија гостите со 24-26 за да израмнат на 1-1 во сетови.
Третиот сет започна со водство на Љубљана и во текот на целиот сет беа подобри во сите елементи од одбојкарската игра од Калцит..
По една исклучителна одбранбена акција и луда завршница на Покершник, љубљанци веќе водеа со 10:5. Шоуто на Покершник продолжи со ас за 12:6, но тимот од Камник по тројна блокада намали на три поени негатива (12:15).
Тоа не ги збуни љубљанци кои исто така беа убедливо подобри во третиот сет и го освоија со (25:20) по грешката на Дулчев за 2-1 во сетови.
Одбојкарите на Камник подобро го започнаа четвртиот сет и водеа во поголемиот дел од истиот.
Гостите го искористија малиот пад на концентрацијата на змејовите, особено во приемот и беа во предност од три-четири разлика до финишот
Тие го изедначија резултатот во сетови на 2-2 со освојување на четврттиот сет со 25-22.
Во решавачкиот, петти сет видовме одличен старт на актуелните шампиони и водство од 4:1. Одлично се снајдоа во одбраната и беа остри во нападот.
Змејовите водеа со 8:4, а Калцит веднаш се доближија на -2 (8:6). Маровт со исклучителен финиш го зголеми резултатот на 13:10.
Но Шкет со два последователни напади го реши големото финале и ја заслужи наградата за најкорисен играч МВП на натпреварот.
Потоа прославата во салата Тиволи започна….