Одбојкарите на Штип УГД се вторите финалисти во одбојкарското првенство на Македонија во машка конкуренција.
Тие во полуфиналната „мајсторка“ како гости го совладаа Работнички со 3:1 во сетови и со 2-1 во победи ја добија полуфиналната серија, и закажаа финале со Струмица 47&72.
Стартниот сет им припадна на гостите од Штип со 25-21 бидејќи имаа континуирано водство во текот на целиот сет.
Нешто слично беше и во вториот сет, поведоа со 2:0, на крајот имаа две сет топки при резултат 24-22, но тоа не го искористија.
Па така во продолжение домаќинот Работнички стигна до победа од 28-26 за израмнување на 1-1 во сетови.
Третиот сет гостите го добија до доминантна игра и победа од 25-17 за водство од 2-1 во сетови.
Најдобра одбојка гледавме во четврттиот сет каде се водеше голема борба. Двата тима има свои добри и лоши периоди на игра, но ниту еден не успеа да создадоа поголема предност.
Сепак во завршницата домаќините имаат две сет топки за 2-2 и тајбрејк, но не ги искористија. Штип УГД тоа го искористи за 28-26 и конечни 3:1 во сетови и пласман во финалето.
Па така во финалето ќе гледаме реприза од финалето од Купот на Македонија. Ќе се сретнат Штип УГД и Струмица 47&72.
Дали Штип УГД ќе стигне до двојната круна или пак Струмица 47&72 ќе ја одбрани титулата останува да видиме.
Нивниот прв дуел е закажан за претстојниот викенд, а шампионската титула ќе ја освои тимот кој прв ќе дојде до три победи.
