Вечерва во Штип, актуелниот шампион на Купот тимот на Штип УГД се избори за мајсторка против Работнички во 1/2 финалето од машкиот одбојкарски шампионат.
Одбојкарите на Штип УГД славеа убедлива победа од 3-0 (25:12, 25:19, 25:17) против Работнички и израмнија на 1-1 во победи.
Па така штипјани се изборија за трет натпревар или мајсторка во полуфиналната серија која се игра подобар во два меча.
Работнички победи во првиот меч со 3-1 па така вториот финалист кај мажите ќе се дознае во вторник за кога е закажата мајсторката.
Штип УГД ги консолидираше своите редови кога беше најпотребно и на домашен терен со одлична и убедлива игра го надигра Работнички.
Во првото полуфинале, Струмица со 2-0 го победи Универзитет во Тетово и веќе обезбеди ново финале и ќе игра за одбрана на титулата.